2009, 2018

首爾冰魚奇緣─冰川釣魚新體驗

By | 九月 20th, 2018|Categories: 旅遊資訊, 韓國|Tags: , , , , |0 Comments

Let us go~ Let us go~覺得釣魚好悶嘅朋友,有無諗過係冰天雪地之下垂釣呢?呢個咁獨特有趣嘅活動,唔使去北歐都試到㗎,因為韓國每年冬天都會有冰魚慶典,即使喺戶外凍冰冰,依然無阻當地人同遊客參與嘅興致,無論大人定小朋友,釣魚初哥定高手,小編真心推薦呢項冬天活動,就算最後釣唔到冰魚(好似小編個朋友咁……其實釣唔到仲高難度啲囉小編覺得),體驗一下都絕對值回票價呀~ 冰魚其實即係樽魚,除咗營養價值高,絕對鮮味可口﹗小編已經PLAN好今年encore多次韓國滑雪同釣冰魚㗎喇(去首爾真係有十萬個理由﹗),依家不如重溫舊年好戲先~   南怡島係小編每次去首爾必遊地點,四季景色各有迷人之處,次次去都有新驚喜,最重要係,雖然係遊客勝地,但離開碼頭位置後,依然有種寧靜嘅悠閒感覺,真係最佳休憩處。小編建議大家朝早出發,時間先可以預鬆啲,(南怡島真係一個避世好hea處嚟,大家一定要去﹗)   南怡島位於春川市,來到哩度一定要試下春川炒雞,好正㗎﹗(有辣有唔辣,嗜辣嘅小編梗係揀辣啦﹗)   朝早係南怡島hea完,又食埋lunch,就去到重頭戲─釣冰魚喇﹗   要釣大魚,梗係要有好嘅工具啦,原來冰川釣魚係用假餌,真係好神奇。但係,唔好睇啲魚竿個樣咁雞,小編見到陸續有人成功釣到魚㗎,唔知係咪啲冰水凍得滯,啲樽魚凍到鈍晒呢﹗? 提提大家,入場係會送埋魚竿,千祈唔好學小編個friend咁傻去鋪頭買,事關個冰洞咁細,好難一隻手一支魚竿咁釣㗎~   離遠睇,成班人圍埋一圈好似BBQ咁   當萬事俱備,就係時候出發去搵一個無人釣緊嘅冰洞。行喺結冰嘅湖面,感覺同去溜冰場差唔多,不過變咗係戶外,而且湖面全部都係坑,所以大家行路果陣要小心啲,如果一腳踩落去啲水度,真係會凍親,小編記得上年去果陣仲落緊雪添~揀好位置、鋪好保暖墊(其實只係一塊防水布,但好重要㗎!),就可以開始同冰魚玩遊戲喇。記得唔好就咁呆等,耐唔耐要chok 下支魚竿,等啲樽魚以為有食物游緊,咁先會上釣。   作為釣魚新手嘅小編,用咗個零鐘就釣咗兩條魚。釣到之後更可以請現場嘅工作人員幫手即席烹調,係冰川上面即釣即食,陣陣炭火烤魚香氣傳過來,加埋天氣咁凍,真係令人食指大動﹗   如果真係釣唔到,都唔緊要﹗因為現場有得賣,魚生或者烤魚都有﹗     感受完釣冰魚嘅樂趣之後,小編同朋友仲去咗雪兜場玩添~呢個亦係韓國人成日玩嘅冬日娛樂節目,大人細路都啱玩。 坐自動電梯上到雪兜場頂部,會有職員簡單介紹須知事項,然係就可以係高高嘅斜波瀡落去,頭一轉仲有少少驚,但之後就覺得好鬼正,絕對會令人樂而忘返﹗   想即刻報名去韓國釣冰魚,小編畀埋傳送門大家︰ http://bit.ly/2poUv18  

更多:

首爾冰魚奇緣─冰川釣魚新體驗

By | 九月 20th, 2018|Categories: 旅遊資訊, 韓國|Tags: , , , , |

Let us go~ Let us go~覺得釣魚好悶嘅朋友,有無諗過係冰天雪地之下垂釣呢?呢個咁獨特有趣嘅活動,唔使去北歐都試到㗎,因為韓國每年冬天都會有冰魚慶典,即使喺戶外凍冰冰,依然無阻當地人同遊客參與嘅興致,無論大人定小朋友,釣魚初哥定高手,小編真心推薦呢項冬天活動,就算最後釣唔到冰魚(好似小編個朋友咁……其實釣唔到仲高難度啲囉小編覺得),體驗一下都絕對值回票價呀~ 冰魚其實即係樽魚,除咗營養價值高,絕對鮮味可口﹗小編已經PLAN好今年encore多次韓國滑雪同釣冰魚㗎喇(去首爾真係有十萬個理由﹗),依家不如重溫舊年好戲先~   南怡島係小編每次去首爾必遊地點,四季景色各有迷人之處,次次去都有新驚喜,最重要係,雖然係遊客勝地,但離開碼頭位置後,依然有種寧靜嘅悠閒感覺,真係最佳休憩處。小編建議大家朝早出發,時間先可以預鬆啲,(南怡島真係一個避世好hea處嚟,大家一定要去﹗)   [...]

楓起了─ 韓國追楓攻略2018

By | 九月 5th, 2018|Categories: 韓國|Tags: , , , , |

每年秋天去韓國追楓已經變成唔少香港人嘅指定動作,原因好簡單,迷人嘅紅葉真係百看不厭。 但邊度先係韓國最佳追楓地點?韓國紅葉最佳觀賞期又係幾時?同埋賞楓果陣要注意啲咩事項?等小編幫大家一一拆解,送上最新韓國紅葉情報﹗ 講到追楓景點,雖然首爾求其一條街都可能見到少少紅葉,但要論震懾人心,小編首推擁有「南韓第一楓葉山」美譽嘅內藏山。事關一到秋天,楓樹同銀杏樹會將成座山變成五彩繽紛,唔少人都會慕名參加內藏山紅葉一日遊,可見大自然嘅調色功力真係一絕﹗除此之外,雪嶽山、大芚山、南怡島等等,甚至係市區嘅昌德宮秘苑都係熱門嘅追楓點。 至於楓葉最佳觀賞期,按預測今年十月初北部地區會開始轉紅,一直延伸到南部嘅濟州。韓國觀光公社已經share 咗最新紅葉預測,唔好錯過浪漫嘅楓期呀﹗ 想玩得盡興又難忘,小編提提大家記得注意以下事項︰ 帶一部充好電嘅相機/手機︰漫天紅葉真係靚到令人心醉,到時個個遊客都會化身攝影師,張張相都係明信片,尿袋呢啲都係預備定好啲。 帶備足夠衣物保暖︰韓國10月份平均氣温約15度,最低可以去到10度,千祈唔好忽略保暖。或者去到景點買杯暖笠笠嘅咖啡,都係另一個驅寒良方呀﹗ 舒適嘅運動鞋︰小編絕對明白去旅行果陣好想影好多靚相po係IG,由頭襯到落腳係理所當然嘅事,只不過如果行程係安排去郊外賞楓,着一對舒服嘅鞋真係好重要㗎﹗咁樣影靚相嘅戰鬥力都會持久啲啦﹗ 保濕用品:韓國一到秋天時分都會比較乾燥,所以無論男女都需要適量保濕用品嚟保持你地個靚樣,咁po張相就更畫龍點睛啦! [...]

1.8km瀡落山─首爾最長斜波滑車究竟有幾正?

By | 九月 3rd, 2018|Categories: 旅遊資訊, 韓國|Tags: , , |

告別炎夏,有咩爽得過同秋風玩遊戲呢? 就係置身大自然入面同秋風玩遊戲囉﹗ 韓國近年大熱嘅斜波滑車愈開愈多,想知邊條滑道最正? 仁川江華島今年六月開咗新滑道場,最最最長滑道可以瀡足1.8公里,1.8公里係咩概念呢?未試過嘅朋友的確好難想像,等小編用數字答大家~ 根據小學教嘅數學,時間等於距離除速率,但斜波滑車嘅快慢係可以自由控制㗎嘛,即係你想瀡一聲落咗山,定係瀡足一日,都係自己揀。最過癮係一張券可以玩足3次,即係等於一日瀡足(1.8km x 3 )5.4公里,即係13.5個標準運動場嘅長度,即係坐的士的話就要畀HKD$52.9,即係喺太空館行去深水埗黃金電腦商場咁遠再遠啲,即係……唔好問小編條數點計出來,總之無錯﹗唔信嘅話,一於趁住秋高氣爽嘅天氣去瀡一瀡。 江華島滑道位於首爾近郊,係一個充滿歷史文化氣息嘅地方,島上面嘅支石墓仲被納入為世界文化遺產。但對小編來講,迷人嘅島嶼風光已經值回票價。 想玩斜波滑車,要坐纜車上去先,沿途已經可以飽覧江華島全景咁滯,加埋怡人嘅天氣,心情一定會好好。 [...]

鎌倉佛系旅行

By | 八月 20th, 2018|Categories: 日本|Tags: , , , |

小編日本旅行回歸兼精彩行程大放送 假期真係眨下眼就完咗,小編早排去東京玩咗7日,由東京一路玩落箱根、鎌倉、江之島,玩勻「東京人嘅後花園」,開心到唔記得update 個page,為咗賠罪,一於將自己個精彩到無倫嘅行程同大家無私分享﹗ 小編覺得細細粒嘅佛像個樣好可愛呀﹗一定要去長谷寺呀﹗ 唔好以為鎌倉、江之島好遠,其實只要係東京坐30分鐘車,就可以去到呢個名勝古都同海濱度假勝地,來一趟發呆放鬆嘅叉電之旅。 江之島岩屋係受海浪侵蝕而成的天然洞窟,分別有兩間岩屋,需要購票入場。入面漆黑一片,加上呢度係江之島信仰嘅發源地,真係有種莫名嘅神秘感。 行到攰,就梗係要食餐好㗎啦~ 呢度有CP值超高嘅海景餐廳,好多遊客都會試吻魚仔料理,鐘意食生定係要食熟嘅,都一定會揾到啱你口味嘅煮法﹗ 最後,話明係佛系旅行,隨心咁hea 就係成日行程嘅重點﹗ [...]

弘大Lego漢堡包

By | 六月 27th, 2018|Categories: 亞洲, 出走遊記, 韓國|

去韓國,好多時都會覺得啲cafe同餐廳都係俾女仔去影下相,或者係要就女朋友而去 男士們唔洗咁悲哀住,travelwebsite.com 駐韓特派員 Megan 幫到你地 位於弘大9號出口嘅Block Burger,就可以同時男士同女士們 哩間餐廳好易搵,係弘大9號出口,行到innisfree 轉右直行300米左右 係弘大行到攰,可以入去買嚟試下 [...]