去布吉唔玩水唔出島玩等於冇黎過!個個都去PP島,我就嫌太多人,所以參加左travelwebsite.com的一日團去左另外兩個島,分別係帝皇島同珊瑚島,呢兩個島少人d,但都係超級靚!

帝皇島

個團包酒店接送,一早8點由酒店出發,去到碼頭集合,點完名就跟教練上快艇啦!經過約30分鐘的船程就去到第一站帝皇島啦!一見到個沙灘真係「嘩」出黎,海水是李斯德林色的,透明的藍綠色呀!!!勁靚!!!我地有40分鐘在呢個沙灘玩水同曬太陽,呢度的海水係透明架,好清,會見到魚仔!重點係沙灘好乾淨,冇垃圾架!沙好幼好滑,赤腳行都冇問題。見到個咁靚的海好開心啊,身心舒暢!

在沙灘留左40分鐘之後就上返快艇,去帝皇島另一邊浮潛,教練已經準備左浮潛工具同救生衣,唔識游水都唔驚,一落水就浮起架啦。呢邊水都係好清,浮潛見到好多魚仔,成群就係我身邊遊過,好正!對於唔識游水的我黎講,可以用浮潛呢個活動試下在大海同魚仔一齊游水的感覺真係好好,推介俾所有唔識游水的大家。

浮潛左大約40分鐘之後就返去頭先個帝皇島沙灘食lunch,團費包左架喇。餐廳就在沙灘一角,可以望住海景食飯。Lunch唔算多野揀,有飯、幾款餸、冬蔭功同生果,但味道OK的。食食下有隻貓仔陪我一齊食,哈哈,好得意。

食完飯就坐快艇去另一個島,珊瑚島啦!同樣都係藍綠色的海水,如果遠睇會覺得帝皇島海水顏色靚d,但落到水就發現珊瑚島沙灘仲多魚!今次自由活動時間仲有兩個鐘,因為珊瑚島可以玩水上活動,例如海上拖曳傘、香蕉船、speedboat等等,想玩的話可以同教練講,水上活動要自費的。如果唔玩水上活動,可以問教練借頭先用過的浮潛工具在沙灘浮潛,我就係啦,又同魚仔一齊游水啦yeah!

曬下太陽玩下水兩個鐘好快就過,大約下晝3點半就要回程啦。教練準備左水果俾大家食,好fresh!我覺得呢個團好抵,因為只需港幣300幾蚊,包左酒店來回接送,所有快艇交通同lunch,玩足大半日!

出島遊詳情

如果覺得浮潛唔夠好玩,想試下深潛的話我都有推介!布吉有個好出名的靚女潛水教練叫Nicole,佢係奧地利同香港混血兒,在布吉土生土長,識多國語言,最重要係講廣東話,可以更容易溝通到。佢17歲已經考到潛水牌,做左幾年潛水教練,有「海界女神」同「魔鬼敎練」之稱,好注重潛水的安全措施,大家可以放心跟佢一齊去探索布吉的海底世界。travelwebsite.com係Nicole潛水團的獨家代理,想跟海界女神潛水就上travelwebsite.com睇下有咩團選擇啦!

LaLa
LaLa作者
LaLa,年齡永遠停留在20歲那年,第1次踏上飛機降落異地後,從此沈迷於旅行這玩意上。 以永遠的少女自居,相信愛旅行的人會青春不老