近排係Facebook成日都見到有人Post 同Share呢張相。

睇完先知哩個奇景係日本嘅立山黑部。

呢個名一聽就知難去,但對於鐘意旅行嘅你同我,一啲都唔係問題!

travelwebsite.com 送個立山黑部懶人包俾你,等你唔洗得個諗字!

立山黑部有唔同嘅旅遊路線,有登山纜車、無軌電車、巴士等唔同嘅交通工具前往。

分別可以由(1)立山站出發或者(2)扇澤站呢兩個東西入口出發。

從各大日本主要城市去立山車站嘅方法,如下圖。

好似由東京去立山車站需時都要3個幾鐘架

從各大日本主要城市去扇澤站嘅方法,如下圖。

呢個就係貫穿北阿爾卑斯山脈嘅「立山黑部登山路線圖」!


圖片由立山黑部阿爾卑斯山脈路線官方網站提供

留意番今年開山日期係4月15號,唔好去錯日子啊!

全線開通期間(電鐵富山~信濃大町) 2017年4月15日~11月30日
部分開通期間(電鐵富山~彌陀之原) 2017年4月10日~4月14日

到底係立山站出發定係扇澤站出發,就好取決於你想睇嘅景點先後順序。

大部份人都會選擇係立山站出發,因為比較近熱門景點雪之大谷!

第一站: 搭立山電纜車去美女平

喺立山站搭纜車上美女平

一路搭纜車,一路睇住積雪越黎越多,真係諗起都興奮!

去到美女平就要搭高原巴士向雪之大谷進發!

 

第二站: 坐立山高原巴士去室堂睇雪牆

50分鐘車程終於去到雪之大谷,唔使再係facebook睇相,得個恨字!

兩邊有咁厚嘅積雪,係為左唔好俾積雪覆蓋主要車道,工作人員用機器打通而造成。

跟住當然係所有人最關心嘅議題,食同買手信!

山長水遠黎到,無理由唔食番啲野同買番啲野,如果唔係點對得住一眾江東父老啊!

室堂車站就可以滿足哂你所有要求!

 

上到嚟立山黑部當然要記番張名信片俾朋友威下,室堂車站一樓就有個小郵局,仲有特式嘅名信片俾你揀添!

 

第三站:搭立山隧道無軌電車去大觀峰,再搭日本最長嘅立山架空索道纜車上黑部平


大觀峰上有一個觀景台,可以睇晒成個立山山峰

作為日本最長嘅無支柱纜車,又可以睇景,嚟到無理由唔搭呀嘛!

第四站:搭黑部登山纜車去黑部湖作為立山黑部之旅最後一站

黑部水壩係日本最大嘅拱型大壩,喺立山黑部啱啱開山嘅日子,成個湖表面都有層冰,加上山脈包圍住,影相都影到手軟。

之後搭關電隧道無軌電車去扇澤做終點。

立山黑部懶人精華

詳細交通資料

聽落好似有啲辛苦,但為左睇立山黑部最靚嘅一面,幾攰都值得嘅,最多之後去大町浸温泉舒服下囉!

黑部觀光酒店

立山黑部絕對應該係人生必去嘅地方之一

雖然係辛苦係難去,但總有方法可以舒服啲,鐘意去旅行嘅你又有咩好怕喎!

旅行滿希望,行程由你創!

仲睇?心動不如行動啦!

訂機票走啦!

立山黑部一步到位方法