去日本睇櫻花係唔少人嘅願望。

不過又要搵平機票,又要申請假期去日本真唔容易。

如果有埋另一半,簡直係難上加難,雪上加斤!

如果話俾你聽日本有個地方,一年四季都有唔同嘅花睇,而且靚到無得頂,你會唔會想去下?

我講緊就係位於茨城縣嘅日立海濱公園!

就等travelwebsite.com教你點去!

日立海濱公園

日立海濱公園

交通方面,日立海濱公園位於茨城縣常陸中市

東京出發的話,由上野站搭JR常盤線去勝田站東口出

然後係2號巴士站台搭茨城交通巴士,係海濱公園西口或南口下車即達。

(留意巴士嘅班次比較疏落,而且等嘅人非常之多,要搭嘅話就要上網留意當日嘅班次)

價錢大約¥ 4220(港幣大約$297)

唔想轉黎轉去,我地travelwebsite.com就幫到你啦!

日立海濱公園一步到位終極懶人大法

日立海濱公園入場費為¥410(港幣大約$29)

60歲以上¥210(港幣大約$15),6歲~初中生¥80(港幣大約$7),5歲以下免費

日立海濱公園

入到公園記得拎份地圖先,因為園區面積大到嚇死人,行錯路就唔好啦!

日立海濱公園

如果你嘅目標係睇藍花(瑠璃唐草),就要去見晴丘,西口就係最近嘅入口

路途有啲遠又多人,但唔好一支箭衝去見晴丘,園區入面仲有其他設施㗎,唔好錯過啊!

日立海濱公園

黎到見晴丘,我相信你個口應該合唔埋,嘩嘩聲

隻手應該忍唔住要拎起手機或都相機,快門制同個Mon應該就快禁爛

日立海濱公園

一大片花海布滿成個山丘,哩種花叫做瑠璃唐草

佢有一個得意嘅英文名叫Baby Blue Eyes,而佢嘅花語係“原諒你”

如果你同另一半山長水遠,佢又有啲脾氣俾你受,記得同佢講哩件事

到時花又靚,意思又好,咩氣都消晒啦!

留意番,藍花嘅花期唔長,大約係四月中至五月頭,以今年為例,受天氣影響,開花期同往年都唔同

日立海濱公園

同一個時期,仲有咩花睇?

咁大個地方,點會得一種花睇咁Dry啊!

係睇藍花嘅見晴丘附近有一大片油菜花田,黃色同藍色嘅配搭,冷暖色對撞,一個地方兩享受

日立海濱公園

到左六月到九月就另一個最令人期待嘅畫面出現啦!

就係掃帚草啦!綠色嘅草球一個個鋪滿晒成個見晴丘,到左九月尾仲會尾仲會由綠變造紅添!

掃帚草點解叫哩個名?因為乾左嘅草球,真係會拎黎做掃帚!

就算錯過左藍花嘅藍,仲有掃帚草嘅紅同綠等住你,而且日立海濱公園一年四季都有花睇,又點會令你失望!

去完日立都見攰啦,係時候要食翻啲野!

山長水遠黎到唔食翻餐好野條氣點會順!

係日立海濱公園附近有一個魚市場叫那珂湊魚市場  (那珂湊おさかな市場

先教你點去先!

係日立海濱公園出發嘅你,首先要出翻去勝田站再搭ひたちなか海浜鉄道線,去那珂湊站,再行先過去那珂湊魚市場

聽見都辛苦,但為左食無計啦!

但作為貼心嘅我地,travelwebsite.com實有辦法幫到你!

輕輕鬆鬆去那珂湊魚市場方法

好講翻那珂湊魚市場先!

哩個魚市場有兩樣野係必食!

1.生蠔

茨城縣嘅生蠔出名大隻鮮甜,一場黎到點可以錯過!

2.甲羅燒

蟹膏加上蟹肉,一陣蟹嘅鮮味,簡直係真的不能忘記你!

再整多兩條蟹腳俾你,真係有啲企唔住!

唔夠食的話,哩到仲有幾間餐廳等你試,仲有小商鋪可以買下手信添!

唔想咁早起身排築地,那珂湊魚市場絕對係一個唔錯嘅選擇黎!

睇完覺得正就快啲買機票啦!

東京機票

東京酒店

東京套票

大割引!絕景花海-日立海濱公園✕偕樂園一日遊[買一送一]