小編日本旅行回歸兼精彩行程大放送

假期真係眨下眼就完咗,小編早排去東京玩咗7日,由東京一路玩落箱根、鎌倉、江之島,玩勻「東京人嘅後花園」,開心到唔記得update 個page,為咗賠罪,一於將自己個精彩到無倫嘅行程同大家無私分享﹗

小編覺得細細粒嘅佛像個樣好可愛呀﹗一定要去長谷寺呀﹗

唔好以為鎌倉、江之島好遠,其實只要係東京坐30分鐘車,就可以去到呢個名勝古都同海濱度假勝地,來一趟發呆放鬆嘅叉電之旅。

江之島岩屋係受海浪侵蝕而成的天然洞窟,分別有兩間岩屋,需要購票入場。入面漆黑一片,加上呢度係江之島信仰嘅發源地,真係有種莫名嘅神秘感。

行到攰,就梗係要食餐好㗎啦~ 呢度有CP值超高嘅海景餐廳,好多遊客都會試吻魚仔料理,鐘意食生定係要食熟嘅,都一定會揾到啱你口味嘅煮法﹗

最後,話明係佛系旅行,隨心咁hea 就係成日行程嘅重點﹗

延綿不斷嘅風化岩海岸線真係好治癒人心,望住大海發呆,小編果陣直情以為自己移民咗去東京添,只可惜……

提提大家,係江之島大橋係可以欣賞到富士山剪影㗎,望住夕陽落係富士山後面,配埋無敵海景,成日行程完滿咁結束呀﹗