告別炎夏,有咩爽得過同秋風玩遊戲呢? 就係置身大自然入面同秋風玩遊戲囉﹗

韓國近年大熱嘅斜波滑車愈開愈多,想知邊條滑道最正?

仁川江華島今年六月開咗新滑道場,最最最長滑道可以瀡足1.8公里,1.8公里係咩概念呢?未試過嘅朋友的確好難想像,等小編用數字答大家~

根據小學教嘅數學,時間等於距離除速率,但斜波滑車嘅快慢係可以自由控制㗎嘛,即係你想瀡一聲落咗山,定係瀡足一日,都係自己揀。最過癮係一張券可以玩足3次,即係等於一日瀡足(1.8km x 3 )5.4公里,即係13.5個標準運動場嘅長度,即係坐的士的話就要畀HKD$52.9,即係喺太空館行去深水埗黃金電腦商場咁遠再遠啲,即係……唔好問小編條數點計出來,總之無錯﹗唔信嘅話,一於趁住秋高氣爽嘅天氣去瀡一瀡。

江華島滑道位於首爾近郊,係一個充滿歷史文化氣息嘅地方,島上面嘅支石墓仲被納入為世界文化遺產。但對小編來講,迷人嘅島嶼風光已經值回票價。

想玩斜波滑車,要坐纜車上去先,沿途已經可以飽覧江華島全景咁滯,加埋怡人嘅天氣,心情一定會好好。

一個人瀡又點會夠成班friend瀡咁開心吖﹗仲可以鬥快落山添~

上咗滑車之後,操作真係非常簡單,將手桿推前或拉後,就可以加速前進或者減慢暫停,小朋友都可以自己揸一架車。

既然可以玩3次,好多人會試下高速瀡落山,體驗一下飄移嘅刺激感,加上成條滑道嘅設計有唔少彎位同急斜,好多人玩到尖叫。

 

雖然只係齋坐就咁瀡落去,但玩完3次都要補充體力㗎。小編大力推薦島上傳統市場─江華風物市場﹗同市區多人去嘅廣藏市場一樣,呢度都揾到生魚片或者傳統韓食,比較出名嘅有海鮮刀削麵,湯頭好鮮甜㗎。

食飽飽,好多遊客會去埋富平地下街shopping,話晒呢度係南韓最大嘅地下街,唔買嘢都要去行下望下啦。

 

小編明白有片有真相,睇下呢條片就知瀡得幾過癮﹗

[강화리조트 개장 축하 EVENT]2018년 5월 강화에 진짜가 나타났다!😎1.8km 아시아 최장 트랙. 360도 회전코스와 구간별 연속으로이어지는 익사이팅존까지…기존의 시시한 루지는 잊어라!서울에서 40분 가까운 곳에서 더 짜릿하게 즐기자!!#강화리조트 #오픈 #경품 #이벤트 #소문내기 #루지 #강화루지ℹ 이벤트 참여방법1. 좋아요👍2. 댓글달기✏3. 공유하기👍✔ 이벤트 기간 : 3월 23일(금) ~ 4월 22일(일)✔ 당첨자 발표 : 4월 27일(금)✔ 경품 : 루지 3회 무료 이용권 + 리조트식사권(신세계푸드)-60매

강화리조트 – 루지 发布于 2018年3月30日周五