亞洲

首爾冰魚奇緣─冰川釣魚新體驗

Let us go~ Let us go~覺得釣魚好悶嘅朋友,有無諗過係冰天雪地之下垂釣呢?呢個咁獨特有趣嘅活動,唔使去北歐都試到㗎,因為韓國每年冬天都會有冰魚慶典,即使喺戶外凍冰冰,依然無阻當地人同遊客參與嘅興致,無論大人定小朋友,釣魚初哥定高手,小編真心推薦呢項冬天活動,就算最後釣唔到冰魚(好似小編個朋友咁……其實釣唔到仲高難度啲囉小編覺得),體驗一下都絕對值回票價呀~ 冰魚其實即係樽魚,除咗營養價值高,絕對鮮味可口﹗小編已經PLAN好今年encore多次韓國滑雪同釣冰魚㗎喇(去首爾真係有十萬個理由﹗),依家不如重溫舊年好戲先~   南怡島係小編每次去首爾必遊地點,四季景色各有迷人之處,次次去都有新驚喜,最重要係,雖然係遊客勝地,但離開碼頭位置後,依然有種寧靜嘅悠閒感覺,真係最佳休憩處。小編建議大家朝早出發,時間先可以預鬆啲,(南怡島真係一個避世好hea處嚟,大家一定要去﹗)   南怡島位於春川市,來到哩度一定要試下春川炒雞,好正㗎﹗(有辣有唔辣,嗜辣嘅小編梗係揀辣啦﹗)   朝早係南怡島hea完,又食埋lunch,就去到重頭戲─釣冰魚喇﹗   要釣大魚,梗係要有好嘅工具啦,原來冰川釣魚係用假餌,真係好神奇。但係,唔好睇啲魚竿個樣咁雞,小編見到陸續有人成功釣到魚㗎,唔知係咪啲冰水凍得滯,啲樽魚凍到鈍晒呢﹗? 提提大家,入場係會送埋魚竿,千祈唔好學小編個friend咁傻去鋪頭買,事關個冰洞咁細,好難一隻手一支魚竿咁釣㗎~   離遠睇,成班人圍埋一圈好似BBQ咁   當萬事俱備,就係時候出發去搵一個無人釣緊嘅冰洞。行喺結冰嘅湖面,感覺同去溜冰場差唔多,不過變咗係戶外,而且湖面全部都係坑,所以大家行路果陣要小心啲,如果一腳踩落去啲水度,真係會凍親,小編記得上年去果陣仲落緊雪添~揀好位置、鋪好保暖墊(其實只係一塊防水布,但好重要㗎!),就可以開始同冰魚玩遊戲喇。記得唔好就咁呆等,耐唔耐要chok 下支魚竿,等啲樽魚以為有食物游緊,咁先會上釣。   作為釣魚新手嘅小編,用咗個零鐘就釣咗兩條魚。釣到之後更可以請現場嘅工作人員幫手即席烹調,係冰川上面即釣即食,陣陣炭火烤魚香氣傳過來,加埋天氣咁凍,真係令人食指大動﹗   如果真係釣唔到,都唔緊要﹗因為現場有得賣,魚生或者烤魚都有﹗     感受完釣冰魚嘅樂趣之後,小編同朋友仲去咗雪兜場玩添~呢個亦係韓國人成日玩嘅冬日娛樂節目,大人細路都啱玩。 坐自動電梯上到雪兜場頂部,會有職員簡單介紹須知事項,然係就可以係高高嘅斜波瀡落去,頭一轉仲有少少驚,但之後就覺得好鬼正,絕對會令人樂而忘返﹗   想即刻報名去韓國釣冰魚,小編畀埋傳送門大家︰ http://bit.ly/2poUv18  

By | 九月 20th, 2018|旅遊資訊, 韓國|0 Comments

楓起了─ 韓國追楓攻略2018

每年秋天去韓國追楓已經變成唔少香港人嘅指定動作,原因好簡單,迷人嘅紅葉真係百看不厭。 但邊度先係韓國最佳追楓地點?韓國紅葉最佳觀賞期又係幾時?同埋賞楓果陣要注意啲咩事項?等小編幫大家一一拆解,送上最新韓國紅葉情報﹗ 講到追楓景點,雖然首爾求其一條街都可能見到少少紅葉,但要論震懾人心,小編首推擁有「南韓第一楓葉山」美譽嘅內藏山。事關一到秋天,楓樹同銀杏樹會將成座山變成五彩繽紛,唔少人都會慕名參加內藏山紅葉一日遊,可見大自然嘅調色功力真係一絕﹗除此之外,雪嶽山、大芚山、南怡島等等,甚至係市區嘅昌德宮秘苑都係熱門嘅追楓點。 至於楓葉最佳觀賞期,按預測今年十月初北部地區會開始轉紅,一直延伸到南部嘅濟州。韓國觀光公社已經share 咗最新紅葉預測,唔好錯過浪漫嘅楓期呀﹗ 想玩得盡興又難忘,小編提提大家記得注意以下事項︰ 帶一部充好電嘅相機/手機︰漫天紅葉真係靚到令人心醉,到時個個遊客都會化身攝影師,張張相都係明信片,尿袋呢啲都係預備定好啲。 帶備足夠衣物保暖︰韓國10月份平均氣温約15度,最低可以去到10度,千祈唔好忽略保暖。或者去到景點買杯暖笠笠嘅咖啡,都係另一個驅寒良方呀﹗ 舒適嘅運動鞋︰小編絕對明白去旅行果陣好想影好多靚相po係IG,由頭襯到落腳係理所當然嘅事,只不過如果行程係安排去郊外賞楓,着一對舒服嘅鞋真係好重要㗎﹗咁樣影靚相嘅戰鬥力都會持久啲啦﹗ 保濕用品:韓國一到秋天時分都會比較乾燥,所以無論男女都需要適量保濕用品嚟保持你地個靚樣,咁po張相就更畫龍點睛啦! 天黑時間較早︰秋冬季節嘅日照時間較短,大家一定知道,所以記得預返足夠時間呀~ 尊重一草一木︰追楓果陣記得要尊重大自然,紅葉近觀或遠觀都係咁靚,但千祈唔好褻玩呀,做一個有公德心嘅遊客﹗ 最後最後,小編覺得要做一個負責任嘅遊客,玩果陣最緊要唔好archive咗公司啲群組,小編自己就一定唔會咁做囉,所以奉勸大家都唔好。   想即刻報名去韓國睇紅葉,小編畀埋傳送門大家︰ 【2018 秋季限定紅葉之旅】韓國內藏山紅葉一天純玩團 -  https://goo.gl/ySWX6E   【秋季限定紅葉之旅】(包早午餐) 韓國雪嶽山紅葉一天遊 - https://goo.gl/Q5JqeL   【秋季限定】韓國波斯菊花海、義王環湖 Rail Bike、漫步安山蘆葦濕地公園一天遊 - https://goo.gl/Shixuw   【粉紅波波草】韓國波斯菊花海、義王環湖 Rail Bike、光教湖公園掃帚草一天遊 - https://goo.gl/RSw7EE   【秋季限定】韓國南怡島、晨靜樹木園一天遊 - https://goo.gl/wrHwUT

By | 九月 5th, 2018|韓國|0 Comments

1.8km瀡落山─首爾最長斜波滑車究竟有幾正?

告別炎夏,有咩爽得過同秋風玩遊戲呢? 就係置身大自然入面同秋風玩遊戲囉﹗ 韓國近年大熱嘅斜波滑車愈開愈多,想知邊條滑道最正? 仁川江華島今年六月開咗新滑道場,最最最長滑道可以瀡足1.8公里,1.8公里係咩概念呢?未試過嘅朋友的確好難想像,等小編用數字答大家~ 根據小學教嘅數學,時間等於距離除速率,但斜波滑車嘅快慢係可以自由控制㗎嘛,即係你想瀡一聲落咗山,定係瀡足一日,都係自己揀。最過癮係一張券可以玩足3次,即係等於一日瀡足(1.8km x 3 )5.4公里,即係13.5個標準運動場嘅長度,即係坐的士的話就要畀HKD$52.9,即係喺太空館行去深水埗黃金電腦商場咁遠再遠啲,即係……唔好問小編條數點計出來,總之無錯﹗唔信嘅話,一於趁住秋高氣爽嘅天氣去瀡一瀡。 江華島滑道位於首爾近郊,係一個充滿歷史文化氣息嘅地方,島上面嘅支石墓仲被納入為世界文化遺產。但對小編來講,迷人嘅島嶼風光已經值回票價。 想玩斜波滑車,要坐纜車上去先,沿途已經可以飽覧江華島全景咁滯,加埋怡人嘅天氣,心情一定會好好。 一個人瀡又點會夠成班friend瀡咁開心吖﹗仲可以鬥快落山添~ 上咗滑車之後,操作真係非常簡單,將手桿推前或拉後,就可以加速前進或者減慢暫停,小朋友都可以自己揸一架車。 既然可以玩3次,好多人會試下高速瀡落山,體驗一下飄移嘅刺激感,加上成條滑道嘅設計有唔少彎位同急斜,好多人玩到尖叫。   雖然只係齋坐就咁瀡落去,但玩完3次都要補充體力㗎。小編大力推薦島上傳統市場─江華風物市場﹗同市區多人去嘅廣藏市場一樣,呢度都揾到生魚片或者傳統韓食,比較出名嘅有海鮮刀削麵,湯頭好鮮甜㗎。 食飽飽,好多遊客會去埋富平地下街shopping,話晒呢度係南韓最大嘅地下街,唔買嘢都要去行下望下啦。   小編明白有片有真相,睇下呢條片就知瀡得幾過癮﹗ https://www.facebook.com/ganghwaresortluge/videos/171108406786953/  

By | 九月 3rd, 2018|旅遊資訊, 韓國|0 Comments

鎌倉佛系旅行

小編日本旅行回歸兼精彩行程大放送 假期真係眨下眼就完咗,小編早排去東京玩咗7日,由東京一路玩落箱根、鎌倉、江之島,玩勻「東京人嘅後花園」,開心到唔記得update 個page,為咗賠罪,一於將自己個精彩到無倫嘅行程同大家無私分享﹗ 小編覺得細細粒嘅佛像個樣好可愛呀﹗一定要去長谷寺呀﹗ 唔好以為鎌倉、江之島好遠,其實只要係東京坐30分鐘車,就可以去到呢個名勝古都同海濱度假勝地,來一趟發呆放鬆嘅叉電之旅。 江之島岩屋係受海浪侵蝕而成的天然洞窟,分別有兩間岩屋,需要購票入場。入面漆黑一片,加上呢度係江之島信仰嘅發源地,真係有種莫名嘅神秘感。 行到攰,就梗係要食餐好㗎啦~ 呢度有CP值超高嘅海景餐廳,好多遊客都會試吻魚仔料理,鐘意食生定係要食熟嘅,都一定會揾到啱你口味嘅煮法﹗ 最後,話明係佛系旅行,隨心咁hea 就係成日行程嘅重點﹗ 延綿不斷嘅風化岩海岸線真係好治癒人心,望住大海發呆,小編果陣直情以為自己移民咗去東京添,只可惜…… 提提大家,係江之島大橋係可以欣賞到富士山剪影㗎,望住夕陽落係富士山後面,配埋無敵海景,成日行程完滿咁結束呀﹗  

By | 八月 20th, 2018|日本|0 Comments

弘大Lego漢堡包

去韓國,好多時都會覺得啲cafe同餐廳都係俾女仔去影下相,或者係要就女朋友而去 男士們唔洗咁悲哀住,travelwebsite.com 駐韓特派員 Megan 幫到你地 位於弘大9號出口嘅Block Burger,就可以同時男士同女士們 哩間餐廳好易搵,係弘大9號出口,行到innisfree 轉右直行300米左右 係弘大行到攰,可以入去買嚟試下 睇到哩個Lego 公仔就知到你無搵錯地方! 鋪入面雖然唔大,但係布置上充滿Lego原素,連電子候餐牌仲有Simpson Lego公仔係到 眼見韓國男士門都好樂意係陪女朋友們食下野影下相! 野食方面都唔差,同一啲主題餐廳唔一樣,唔係淨係食裝修 主要有3款漢堡,包括芝士烤肉漢堡,三層芝士煙肉漢堡同雙層芝士洋蔥巨塔漢堡 仲可以加少少錢換唔同顏色嘅包添! 按照返你嘅胃口,可以選擇餐,或者單點一個漢堡包 單點都係8900won 咋,兩個人拍住拖嚟叫一個餐兩份分又得!

By | 六月 27th, 2018|亞洲, 出走遊記, 韓國|0 Comments

travelwebsite.com 韓食指南(1)-弘大韓牛烤肉店好推介

去韓國旅行,食韓牛又點少得呢? travelwebsite.com 介紹一間位於弘大嘅烤肉店 哩間係為我地 【travelwebsite.com 韓食指南】第一間介紹嘅餐廳,絕對唔會差 而且我地同店家無利益關系,所以絕對係公平公正 最緊要以上餐廳我地都有親身試過,試完之後,我地認為好食嘅話,我地就會問店主可唔可以係店鋪當眼處貼上travelwebsite.com嘅Logo 希望你地行過見到我地logo就會行入去試下啦!

By | 十一月 14th, 2017|旅遊資訊, 韓國|0 Comments

日立海濱公園 前往指南

去日本睇櫻花係唔少人嘅願望。 不過又要搵平機票,又要申請假期去日本真唔容易。 如果有埋另一半,簡直係難上加難,雪上加斤! 如果話俾你聽日本有個地方,一年四季都有唔同嘅花睇,而且靚到無得頂,你會唔會想去下? 我講緊就係位於茨城縣嘅日立海濱公園! 就等travelwebsite.com教你點去!

By | 十月 19th, 2017|日本|0 Comments

2017-18冬日必去!盤點韓國三大滑雪勝地

滑雪係韓國嘅國民運動,所以冬天嚟到韓國一定要去滑雪暖下身! 今次推介韓國三大滑雪勝地比大家做定功課plan下今個冬天嘅滑雪大計!   【方便之選-芝山滑雪場】 要數到首爾最方便嘅滑雪場,芝山滑雪場一定係數一數二嘅選擇! 芝山滑雪場位於京畿道利川市,距離首爾市中心只係大約一個鐘車程,因此係韓國熱門滑雪勝地! 一共有7條滑雪道,分為初、中同高三個級別! 仲提供初學者專用嘅扶手電梯 可以先喺練習區練習下,再按照自己嘅程度選擇唔同嘅滑雪道! 小朋友都可以坐喺雪兜上面滑雪,大人小朋友都一樣玩得咁盡興!   【滑雪初學者之選-洪村大明滑雪場】 滑雪初學者可以嚟位於江原道洪村郡嘅洪村大明滑雪場,由首爾市中心出發大約需要一小時三十分鐘 韓劇《藍色海洋的傳說》都有嚟過呢到取景,劇入面男神李敏鎬同女神全智賢就係喺到滑雪!   可以選擇雙板滑雪ski或者單板滑雪snowboard,雙板滑雪比較易控制,所以初學者都會選擇雙板滑雪! 滑雪場一共有12條滑雪道,分為初、中、高同超高級別,由山頂滑到底只係需要兩至三分鐘! 當中有一條更係專門為初學者而設較為平坦嘅滑雪道,滑雪新手們都可以輕鬆學滑雪! 如果要由山腳拎住滑雪工具行到上山都幾吃力下,點算好啊?!唔洗擔心!為左方便遊客滑雪,呢到設有滑雪專用嘅纜車,一次拎晒滑雪工具上山,咁就可以輕輕鬆鬆去滑雪! 除左滑雪道,滑雪場仲有親子遊樂設施同登山纜車! 小朋友都可以玩下雪兜,雪上競賽一樣咁刺激!大人滑到攰都可以坐觀光纜車睇雪景! 附近嘅Viva Plex Mall 有Food Court同其他餐廳比大家醫肚,食飽差滿電再滑過!   【靚景之選-Elysian江村滑雪場】 Elysian江村滑雪場位於江源道春川市 滑雪場一共有十條滑雪道,並分為適合初學者嘅奚谷形滑雪道同較為刺激嘅山脊形滑雪道!無論係滑雪初哥定高手都一樣滑得咁開心! 呢到每條滑雪道都有至少一公里,最長嘅更有一點五公里,滑得更盡興! 滑雪場採用稜線型設計,所以視野更廣闊、四周嘅風景一覽無遺!係滑雪同時可以欣賞埋江原道山景同迷人冬日景色,真係又迷人又刺激!   怕語言不通?咁就要跟住travelwebsite去韓國滑雪,我哋專業嘅廣東話教練會耐心指導大家,咁就學得更得心應手,更快上手啦!仲有隨團攝影師幫大家影相留念!今個冬天,雪場見!   2018 韓國芝山滑雪動感一天團 2018 韓國洪川大明滑雪一天團 (下午團) 2018 韓國 Elysian 江村滑雪場 ✕ 晨靜樹木園夜燈會一天遊

By | 十月 12th, 2017|亞洲, 出走遊記, 韓國|0 Comments

海賊王粉絲必去!

講起日本嘅主題樂園,大家一定第一時間諗起東京迪士尼同大阪環球影城! 其實除左上述嘅樂園外,日本仲有好多好玩嘅主題樂園!今次同大家介紹其中一個,就係Lagunasia拉格娜登堡,鍾意海賊王One Piece嘅粉絲一定要去潮聖!跟住海賊兵團一出發,玩到樂以忘返啦! Lagunasia拉格娜登堡位於名古屋愛知縣,樂園以海洋為主題,有二十幾種遊樂設施,例如VR過山車、360度3D影院、急流小船同摩天輪等,一定夠你玩足一日啊! 樂園仲對住個無敵大海景,真係相當浪漫啊! 7至9月仲會開放水上樂園,有六種唔同嘅泳池,好似人造浪池、泡泡池同漂流河等,啱晒一家大細玩! 雖然樂園入面樣樣設施都好好玩咁,但要數到最吸引嘅遊樂設施一定喺烈陽號! 烈陽號巨型獅子造型嘅船頭,草皮做成嘅甲板,像真度極高,就好似置身喺動畫入面咁!真係忍唔住大叫一聲「我要為海賊王!」 烈陽號大約1至2小時就有一班,全程約30至40分鐘,要留意一定要喺出航前20分鐘抵達碼頭,唔係就miss左冇得上船! 難得上到烈陽號,一定要瘋狂影相打卡!船上有多個打卡位,海賊王一眾角色人物分散喺船上每個角落,真係由上船影到落船啊! 落左船仲可以喺隔離嘅有慶典市場行下,仲有部分海賊王商品係呢到限定發售!粉絲們一定要把握機會買齊各種心頭好啦!   覺得一日玩唔晒仲可以入住樂園開嘅奇怪酒店! 奇怪酒店到底有幾奇怪?佢喺世界上第一間以機械人工作嘅酒店! 酒店使用人工智能,一入到酒店唔係人同你check in,而係有恐龍幫你check in,用聲音同touch screen就可以輕鬆check in! 行李員機械人會將行李送去你間房,真係好先進!就連房間入面都有機械人解答你嘅問題!真係好奇怪啊!

By | 九月 30th, 2017|旅遊資訊, 日本|0 Comments