日本

日立海濱公園 前往指南

去日本睇櫻花係唔少人嘅願望。 不過又要搵平機票,又要申請假期去日本真唔容易。 如果有埋另一半,簡直係難上加難,雪上加斤! 如果話俾你聽日本有個地方,一年四季都有唔同嘅花睇,而且靚到無得頂,你會唔會想去下? 我講緊就係位於茨城縣嘅日立海濱公園! 就等travelwebsite.com教你點去!

By | 十月 19th, 2017|日本|0 Comments

海賊王粉絲必去!

講起日本嘅主題樂園,大家一定第一時間諗起東京迪士尼同大阪環球影城! 其實除左上述嘅樂園外,日本仲有好多好玩嘅主題樂園!今次同大家介紹其中一個,就係Lagunasia拉格娜登堡,鍾意海賊王One Piece嘅粉絲一定要去潮聖!跟住海賊兵團一出發,玩到樂以忘返啦! Lagunasia拉格娜登堡位於名古屋愛知縣,樂園以海洋為主題,有二十幾種遊樂設施,例如VR過山車、360度3D影院、急流小船同摩天輪等,一定夠你玩足一日啊! 樂園仲對住個無敵大海景,真係相當浪漫啊! 7至9月仲會開放水上樂園,有六種唔同嘅泳池,好似人造浪池、泡泡池同漂流河等,啱晒一家大細玩! 雖然樂園入面樣樣設施都好好玩咁,但要數到最吸引嘅遊樂設施一定喺烈陽號! 烈陽號巨型獅子造型嘅船頭,草皮做成嘅甲板,像真度極高,就好似置身喺動畫入面咁!真係忍唔住大叫一聲「我要為海賊王!」 烈陽號大約1至2小時就有一班,全程約30至40分鐘,要留意一定要喺出航前20分鐘抵達碼頭,唔係就miss左冇得上船! 難得上到烈陽號,一定要瘋狂影相打卡!船上有多個打卡位,海賊王一眾角色人物分散喺船上每個角落,真係由上船影到落船啊! 落左船仲可以喺隔離嘅有慶典市場行下,仲有部分海賊王商品係呢到限定發售!粉絲們一定要把握機會買齊各種心頭好啦!   覺得一日玩唔晒仲可以入住樂園開嘅奇怪酒店! 奇怪酒店到底有幾奇怪?佢喺世界上第一間以機械人工作嘅酒店! 酒店使用人工智能,一入到酒店唔係人同你check in,而係有恐龍幫你check in,用聲音同touch screen就可以輕鬆check in! 行李員機械人會將行李送去你間房,真係好先進!就連房間入面都有機械人解答你嘅問題!真係好奇怪啊!

By | 九月 30th, 2017|旅遊資訊, 日本|0 Comments

你不知道的關西好去處!

每次嚟到日本關西都淨係去大阪同京都,唔悶咩?係時候搵啲新景點去下啦! 等travelwebsite.com幫你開發大阪新景點啦!今次就同大家介紹幾個關西同本州地區鮮為人知嘅景點,下次plan行程識做啦!   砂の美術館 位於日本本州西部嘅鳥取對於香港遊客嚟講可能比較陌生,其實鳥取擁有全日本面積最大嘅觀光砂丘「鳥取砂丘」,經歷十萬年大自然嘅洗禮,每年都吸引唔少遊客專程嚟參觀 而喺砂丘附近嘅砂の美術館,都喺鳥取著名景點 美術館分為室內同室外展區,展出多座唔同造型嘅砂像 而美術館每年有3個月暫停開放,專注製作新嘅砂像,所以每段時期都會展出以唔同主題為題嘅嘅砂像   龍貓屋 要數到宮崎駿嘅代表作,一定唔少得經典之作《龍貓》! 細個睇《龍貓》,成日都會幻想可以走入動畫嘅世界,依家真係夢想成真! 位於名古屋愛知縣嘅龍貓屋係根據《龍貓》入面草子同次子嘅屋企1:1而建,就連屋內嘅擺設同龍貓一齊等巴士嘅站牌都照足動畫神還原,好似真正置身喺龍貓嘅世界,宮崎駿迷必去啊! 其實龍貓屋喺2005年日本舉辦國際博覽會森林體驗區入面其中一個展館,主辦單位希望藉住《龍貓》故事嘅概念,向大眾傳達愛護自然嘅態度同反思   淡路島 淡路島喺神戶南面嘅一個島嶼,位於瀨戶內海的東部、本州神戶同四國之間,係日本第三大島 唔講唔知,原來淡路島有兩個世界之最! 連接神戶市同淡路島之間嘅明石海峽大橋,係連接本洲同四國最重要嘅橋樑 同時都係世界上最長嘅吊橋,全長3911公尺 鳴門漩渦堪稱係世界第一漩渦,喺淡路島必到嘅景點 由瀨戶内海同太平洋嘅潮流因為潮速差異而形成嘅鳴門漩渦,特別喺春季秋季大潮時,漩渦最大可達直徑30公尺、時速20公里,企喺橋上面望落去,真係好壯觀   Asahi酒廠 Asahi啤酒係日本歷史悠久嘅品牌,創立於1899年 工廠位於大阪吹田,開放俾遊客參觀,深入工廠內部,直擊啤酒嘅製作過程! 全程有工作人員同大家詳細介紹Asahi嘅歷史同製酒過程 到最後仲有得免費任飲啤酒同拎返罐Asahi返屋企,今次真係不醉無歸!   LEGOLAND 日本LEGOLAND位於名古屋,係亞洲地區第二座樂高主題樂園,今年四月先開幕! 樂園分為7大區,分別係Factory、Bricktopia、Adventure、Knight’s Kingdom、Pirate’s Shores、Miniland同LEGO City,一共有40 幾款機動遊戲同娛樂設施 機動遊戲刺激度相對日本其他主題樂園低,所以啱晒一家大細去! 而咁多個園區入面,Miniland一定係最好嘅打卡點 Miniland入面展示左由超過1000萬塊lego砌成嘅小日本,有齊東京、大阪、京都同名古屋等十個日本地區 ! 一次過帶你去晒姬路城、伏見稻荷大社、清水寺、道頓堀同晴空塔等日本名勝地標! 此外,樂高樂園嘅海洋世界同樂高樂園酒店將會喺2018年開幕添!

By | 九月 23rd, 2017|亞洲, 出走遊記, 日本|0 Comments

日本追楓大搜查

唔經唔覺已經嚟到九月,秋意起,又到左紅葉嘅季節! 日本嘅紅葉九月尾開始由北海道揭開序幕,由北到南慢慢開始染紅,為期兩個月,因此每年都吸引好多遊客專程去日本賞楓 雖然日本官方仲未公布今年賞楓資訊,但小編就率先整理左2017紅葉預測同關東、關西最佳賞葉地點比大家參考下! 【2017日本紅葉預測】 北海道﹕9月下旬-11月下旬 關東地區﹕10月上旬-12月上旬 關西地區﹕10月中旬-11月下旬 九州﹕10月下旬-12月上旬 【最佳賞葉地點】 關東地區 想近近地喺東京都市區睇紅葉,日比谷公園、代代木公園、明治神宮外苑同上野恩賜公園都喺方便之選,而且全部免費入場 而東京近郊地區,富士河口湖、忍野八海同箱根都喺唔少人嘅賞葉景點 當中富士河口湖紅葉祭將會喺11月1日至23日係河口湖北岸,長達1.5公里嘅長廊,種滿500多棵楓樹 除左紅葉美景,紅葉祭仲有市集、傳統工藝、表演節目同美食,比你玩足一日 到左夜晚,長廊開滿LED燈,夜色襯托紅葉又喺另一番風味 關西地區 數到關西地區嘅賞楓聖地,一定唔可以錯過被選為「新日本街路樹百景」嘅水杉路! 水杉路喺滋賀著名嘅紅葉隧道,全長2.5公里,兩邊種滿左500棵曙杉樹 樹葉由每年11月底,開始由黃變紅 雖然清水寺依家仲維修緊,每到紅葉季仍然吸引好多人專程去賞葉 清水寺入面1000多棵楓葉樹染成一片殷紅,到左夜晚點燈後,紅葉、寺院加上夜空雲彩,真喺好壯觀! 紅葉唔等人,仲唔快啲plan下你嘅紅葉之旅! 跟travelwebsite.com去賞楓,關東關西賞楓聖地輕鬆任你去! 日本紅葉大集合 大家想知道日本官方最新嘅紅葉資訊,可以留意以下網頁~ 日本氣象協會:【http://www.tenki.jp/kouyou/expectation.html】 Weathernews﹕【http://weathernews.jp/】

By | 九月 5th, 2017|日本, 賞楓|0 Comments

【一日玩晒】東京包車食買玩地圖

黎到東京,就梗係食、買、瞓、玩啦,今日同大家介紹番如果想用盡一日,可以點玩呢? 一朝早起身先去築地市場,去壽司大食番幾件壽司先! saki konya(@sakikonya828)分享的貼文 於 2017 年 7月 月 24 2:38下午 PDT 張貼 食完應該大概9—10點,可以出發去台場,台場有好多唔同嘅商場,diver city、aqua city、venus fort等等,仲有縮細版嘅自由神像。呢座自由神像後方可以見到彩虹大橋。彩虹大橋橫越東京灣,連接港區同台場嘅吊橋。 影完自由神像就可以開始shopping Karen⭐Wa…🌻✨🌴🌺✨🐚(@karenchan._)分享的貼文 於 2017 年 7月 月 27 8:40下午 PDT 張貼 Diver city 佔地好廣,亦有好多唔同嘅品牌。 行完大商場,介紹畀大家「谷根千」,東京人通稱的「谷根千」指的是谷中、根津、千駄木呢三個地區,離日暮里非常近,呢一帶冇大型嘅購物商場,有嘅係民居同埋各種特色嘅商店 (仲有貓) ,可以喺度感受到鬧市入面嘅閒適 COUZT CAFE + SHOP(@couzt)分享的貼文 於 2017 年 7月 月 22 6:49下午 PDT 張貼   跟住我地黎到tokyo sky tree(晴空塔) Sky tree係而家東京最高嘅建築物,除左上去一睹東京景色之外,喺sky tree下面嘅tokyo solamachi [...]

By | 七月 28th, 2017|亞洲, 懶人包, 旅遊資訊, 日本|0 Comments

【呃like必去】嚴選東京4個影靚相night pool

日本時興 night pool,無論識唔識游水,都會去泳池玩吓,順便影相呃like。即使收費比普通泳池貴啲,但為左影靚相放上Instagram,冇計啦~ 以下為大家介紹幾個night pool, 大多數都喺酒店入面,可以順便住番晚。

By | 七月 27th, 2017|亞洲, 出走遊記, 旅遊資訊, 日本|0 Comments

綠牌車vs白牌車

如果有去過日本,應該有發現日本嘅車牌有幾種顔色,有綠、黃、黑、白 有好多客人book左我地嘅日本包車同接送,都問點解架車係綠色車車牌。 今次travelwebsite.com就話你知綠牌車同其他顏色車牌有咩分別啦!

By | 六月 30th, 2017|亞洲, 出走遊記, 懶人包, 旅遊資訊, 日本, 日立|0 Comments

6月限定 日本紫陽花賞花推介

踏入6月的日本,便開始進入梅雨季節,到日本旅遊可能總會碰上下雨天。但同時亦都係紫陽花(アジサイ)盛開的花季,6月上旬到中旬是賞花的最佳時機。今次為大家介紹日本4個觀賞紫陽花的人氣景點

By | 五月 27th, 2017|亞洲, 旅遊資訊, 日本, 賞花|6月限定 日本紫陽花賞花推介 已關閉評論。