出走遊記

/出走遊記

2017-18冬日必去!盤點韓國三大滑雪勝地

滑雪係韓國嘅國民運動,所以冬天嚟到韓國一定要去滑雪暖下身! 今次推介韓國三大滑雪勝地比大家做定功課plan下今個冬天嘅滑雪大計!   【方便之選-芝山滑雪場】 要數到首爾最方便嘅滑雪場,芝山滑雪場一定係數一數二嘅選擇! 芝山滑雪場位於京畿道利川市,距離首爾市中心只係大約一個鐘車程,因此係韓國熱門滑雪勝地! 一共有7條滑雪道,分為初、中同高三個級別! 仲提供初學者專用嘅扶手電梯 可以先喺練習區練習下,再按照自己嘅程度選擇唔同嘅滑雪道! 小朋友都可以坐喺雪兜上面滑雪,大人小朋友都一樣玩得咁盡興!   【滑雪初學者之選-洪村大明滑雪場】 滑雪初學者可以嚟位於江原道洪村郡嘅洪村大明滑雪場,由首爾市中心出發大約需要一小時三十分鐘 韓劇《藍色海洋的傳說》都有嚟過呢到取景,劇入面男神李敏鎬同女神全智賢就係喺到滑雪!   可以選擇雙板滑雪ski或者單板滑雪snowboard,雙板滑雪比較易控制,所以初學者都會選擇雙板滑雪! 滑雪場一共有12條滑雪道,分為初、中、高同超高級別,由山頂滑到底只係需要兩至三分鐘! 當中有一條更係專門為初學者而設較為平坦嘅滑雪道,滑雪新手們都可以輕鬆學滑雪! 如果要由山腳拎住滑雪工具行到上山都幾吃力下,點算好啊?!唔洗擔心!為左方便遊客滑雪,呢到設有滑雪專用嘅纜車,一次拎晒滑雪工具上山,咁就可以輕輕鬆鬆去滑雪! 除左滑雪道,滑雪場仲有親子遊樂設施同登山纜車! 小朋友都可以玩下雪兜,雪上競賽一樣咁刺激!大人滑到攰都可以坐觀光纜車睇雪景! 附近嘅Viva Plex Mall 有Food Court同其他餐廳比大家醫肚,食飽差滿電再滑過!   【靚景之選-Elysian江村滑雪場】 Elysian江村滑雪場位於江源道春川市 滑雪場一共有十條滑雪道,並分為適合初學者嘅奚谷形滑雪道同較為刺激嘅山脊形滑雪道!無論係滑雪初哥定高手都一樣滑得咁開心! 呢到每條滑雪道都有至少一公里,最長嘅更有一點五公里,滑得更盡興! 滑雪場採用稜線型設計,所以視野更廣闊、四周嘅風景一覽無遺!係滑雪同時可以欣賞埋江原道山景同迷人冬日景色,真係又迷人又刺激!   怕語言不通?咁就要跟住travelwebsite去韓國滑雪,我哋專業嘅廣東話教練會耐心指導大家,咁就學得更得心應手,更快上手啦!仲有隨團攝影師幫大家影相留念!今個冬天,雪場見!   2018 韓國芝山滑雪動感一天團 2018 韓國洪川大明滑雪一天團 (下午團) 2018 韓國 Elysian 江村滑雪場 ✕ 晨靜樹木園夜燈會一天遊

By | 十月 12th, 2017|亞洲, 出走遊記, 韓國|0 Comments

向澳洲出發之悉尼篇

  人生總會想有朝一日能夠衝出亞洲,去遠啲開下眼界! 今次就衝出亞洲,向澳洲出發! 講起澳洲你會諗起咩?袋鼠?樹熊定海鮮? 一連兩集同大家介紹澳洲有咩好玩、好去嘅地方,Let’s go! 第一站就嚟到澳洲人口最密集嘅地方—悉尼! 悉尼位於新南威爾斯州,係澳洲嘅南部,有成十一個香港咁大!   嚟到悉尼點可以唔去地標悉尼歌劇院啊? 原來悉尼歌劇院喺2007年被聯合國教科文組織列為世界文化遺產! 標誌性嘅白凡,遠睇就好似一塊塊貝殼連埋一齊,連連相扣 黃昏嚟呢到仲可以睇到日落,喺到影下相真係好舒服!喺夕陽嘅襯托下,歌劇院又展現出另一種風味! 而附近有唔少餐廳酒吧,望住如此美景飲番杯,真係人生中難忘嘅享受!   維多利亞女王大廈(Queen Victoria Building)係悉尼一座古老嘅建築物,建立於19世紀,為左紀念維多利亞女王鑽禧登基!坐地鐵到Town Hall就可以嚟到維多利亞女王大廈! 雖然大廈喺2009年進行過翻新工程,但入面仍然保留住羅馬式風格嘅裝潢,好似拱門、彩色玻璃同石頭地板等!最值得留意嘅係有一百年歷史嘅升降機,體積比起依家嘅升降機細好多,升降機門兩旁都係彩色嘅玻璃,好特別! 除左歷史悠久嘅建築物外,呢到仲係一個購物商場,有唔少商店,行到攰可以去餐廳同Cafe休息下!無論你係中意欣賞藝術建築物定購物,都一定要嚟呢到行下!   Town Hall站另一個景點就係達令港(Darling Harbour) 達令港係世界最大嘅港濱勝地之一,由Town Hall 站出發向住Bathurst Street 行10分鐘就到! 達令港除左係船隻停泊嘅海港外,仲被規劃為休閒購物區域 附近一帶有博物館、水族館同商場 呢到最出名就係食龍蝦海鮮大餐!大家Budget比較多的話仲可以喺船上食大餐添! 食飽飯一定要去海邊散步睇夜景 呢到嘅夜景真係一流,附近高樓大廈五光十色嘅燈光喺水中倒影, 自己睇圖感受下啦!   另一樣嚟到澳洲唔可以錯過嘅就係陽光與海灘! 幾百個沙灘沿住太平洋延綿五公里,當中最出名嘅就係邦迪海灘(Bondi Beach)! 邦迪海灘沿住海岸線延綿一公里,係悉尼最熱鬧嘅海灘之一,由悉尼市中心出發大概要半個鐘車程 原來邦迪(Bondi)係澳洲土語係代表海浪聲,因此呢到都幾大浪,啱曬鍾意滑浪嘅朋友!就算你唔識滑浪都可以喺岸邊欣賞高手表演! 呢到水清沙幼,當然要除鞋踩下極度柔軟而且乾淨嘅沙,赤腳行都唔會覺得刺腳! 海灘旁邊有個兒童游泳池,大人小朋友都一樣玩得咁開心 鄰近嘅坎貝爾廣場 (Campbell Parade) 設有特色商店、餐廳同雪糕店,星期日嚟仲有市集行添!喺到食住雪糕,吹下海風、曬太陽真係好寫意! P.S.邦迪海灘真係超大風!記得帶埋太陽眼鏡先好去啊!   跟travelwebsite.com去悉尼,一次過帶你輕鬆去齊悉尼必到景點! 悉尼城市休閒一天遊  

By | 十月 4th, 2017|出走遊記, 大洋洲|0 Comments

海賊王粉絲必去!

講起日本嘅主題樂園,大家一定第一時間諗起東京迪士尼同大阪環球影城! 其實除左上述嘅樂園外,日本仲有好多好玩嘅主題樂園!今次同大家介紹其中一個,就係Lagunasia拉格娜登堡,鍾意海賊王One Piece嘅粉絲一定要去潮聖!跟住海賊兵團一出發,玩到樂以忘返啦! Lagunasia拉格娜登堡位於名古屋愛知縣,樂園以海洋為主題,有二十幾種遊樂設施,例如VR過山車、360度3D影院、急流小船同摩天輪等,一定夠你玩足一日啊! 樂園仲對住個無敵大海景,真係相當浪漫啊! 7至9月仲會開放水上樂園,有六種唔同嘅泳池,好似人造浪池、泡泡池同漂流河等,啱晒一家大細玩! 雖然樂園入面樣樣設施都好好玩咁,但要數到最吸引嘅遊樂設施一定喺烈陽號! 烈陽號巨型獅子造型嘅船頭,草皮做成嘅甲板,像真度極高,就好似置身喺動畫入面咁!真係忍唔住大叫一聲「我要為海賊王!」 烈陽號大約1至2小時就有一班,全程約30至40分鐘,要留意一定要喺出航前20分鐘抵達碼頭,唔係就miss左冇得上船! 難得上到烈陽號,一定要瘋狂影相打卡!船上有多個打卡位,海賊王一眾角色人物分散喺船上每個角落,真係由上船影到落船啊! 落左船仲可以喺隔離嘅有慶典市場行下,仲有部分海賊王商品係呢到限定發售!粉絲們一定要把握機會買齊各種心頭好啦!   覺得一日玩唔晒仲可以入住樂園開嘅奇怪酒店! 奇怪酒店到底有幾奇怪?佢喺世界上第一間以機械人工作嘅酒店! 酒店使用人工智能,一入到酒店唔係人同你check in,而係有恐龍幫你check in,用聲音同touch screen就可以輕鬆check in! 行李員機械人會將行李送去你間房,真係好先進!就連房間入面都有機械人解答你嘅問題!真係好奇怪啊!

By | 九月 30th, 2017|旅遊資訊, 日本|0 Comments

新沙洞必去4大心水推介

去首爾行街,唔少人首選都係明洞或者弘大 如果嫌明洞或者弘大太多人,咁就一定要去新沙洞林蔭大道到慢慢行! 新沙洞位於江南區,呢到一帶都係以中價時裝店為主,所以賣嘅衫都有番咁上下質素而且冇咁容易同人撞款! 今次小編就同大家分享幾間新沙洞必去嘅心水推介,一齊去買新衫啦!   Indibrand 如果有上網買開韓國時裝嘅朋友都可能聽過Indibrand呢個牌子 本身係一間有頗有名氣嘅網店,近呢幾年仲開埋實體店,單係新沙洞已經有三間分店! Indibrand主打簡約休閒風格女裝,陳列以顏色分類,擺放得十分整齊,而且空間非常寬敞,所以可以慢慢試真邊件衫最啱自己! 除左女裝,店舖入面仲有飾物配件、手袋同童裝買,女士們真係要帶夠錢先好去行啊!   地址:【首爾市江南區狎鷗亭路14街22】   Around the Corner Around the Corner係由LG Fashion 開設嘅生活概念店 店舖外型獨特有型,離遠已經一眼睇到,就算係路過都會畀佢吸引住! 店入面搜羅左世界各地同韓國本土有趣嘅設計服飾,單係韓國本地牌子都有成50幾個,連歐美潮牌都可以係呢到搵到,服飾都係充滿玩味,而且有齊最新男裝女裝,所以深受韓國年輕人歡迎! 除左服飾,Around the corner仲有好多個性化生活用品買,無論係男士定女士,係呢到都可以搵到心頭好!   地址:【首爾市江南區狎鷗亭路12街24】   Jaju 如果閣下平日好中意行家品店,咁就一定要嚟有韓版無印良品之稱嘅Jaju Jaju主打清新簡約,店面設計以大自然木材做主題,一入到去就覺得好舒服放鬆! 而新沙洞旗艦店樓高四層,由生活雜貨、廚具、服飾、零食至到嬰兒用品都有得買,最重要係價錢比無印平啊,家品控今次要敗家啦! 旗艦店仲設有cafe,行到攰可以去食個意粉西餐充電再戰鬥過!   地址:【首爾市江南區島山大路13街15】   醬油蟹美食街   新沙洞除左有靚衫買,原來仲有一條醬油蟹美食街! 全條街都係食醬油蟹嘅舖頭,而且好多都係開二十四小時,瘋狂購物完再去食蟹補充體力都冇問題! 咁多間醬油蟹店點好啊?今次同大家介紹一間比較有名氣嘅醬油蟹店,叫馬山 辣炖鮟鱇魚店(마산 아구찜),質素一定有番咁上下! 呢到嘅醬油蟹(간장게장)分左兩個size,細size有兩隻蟹,如果兩個人去食就啱啱好! 醬油蟹嘅靈魂一定係個醬油,因此製作調味醬油嘅材料份量十分講究,鹽同糖嘅比例都要十分準確,先可以保持到蟹嘅鮮味! 最正嘅食法就係將一匙羹醬油倒落熱辣辣嘅白飯,連同黃金色嘅蟹膏撈埋一齊,真係一流啊! 除左醬油蟹,韓國本地人仲會食以辣椒粉浸泡嘅辣醬蟹(양념게장)!大家下次去都可以挑戰下!   地址: 【首爾市瑞草區蠶院洞21-1, 新沙站4號出口】

By | 九月 27th, 2017|懶人包, 旅遊資訊, 韓國|0 Comments

你不知道的關西好去處!

每次嚟到日本關西都淨係去大阪同京都,唔悶咩?係時候搵啲新景點去下啦! 等travelwebsite.com幫你開發大阪新景點啦!今次就同大家介紹幾個關西同本州地區鮮為人知嘅景點,下次plan行程識做啦!   砂の美術館 位於日本本州西部嘅鳥取對於香港遊客嚟講可能比較陌生,其實鳥取擁有全日本面積最大嘅觀光砂丘「鳥取砂丘」,經歷十萬年大自然嘅洗禮,每年都吸引唔少遊客專程嚟參觀 而喺砂丘附近嘅砂の美術館,都喺鳥取著名景點 美術館分為室內同室外展區,展出多座唔同造型嘅砂像 而美術館每年有3個月暫停開放,專注製作新嘅砂像,所以每段時期都會展出以唔同主題為題嘅嘅砂像   龍貓屋 要數到宮崎駿嘅代表作,一定唔少得經典之作《龍貓》! 細個睇《龍貓》,成日都會幻想可以走入動畫嘅世界,依家真係夢想成真! 位於名古屋愛知縣嘅龍貓屋係根據《龍貓》入面草子同次子嘅屋企1:1而建,就連屋內嘅擺設同龍貓一齊等巴士嘅站牌都照足動畫神還原,好似真正置身喺龍貓嘅世界,宮崎駿迷必去啊! 其實龍貓屋喺2005年日本舉辦國際博覽會森林體驗區入面其中一個展館,主辦單位希望藉住《龍貓》故事嘅概念,向大眾傳達愛護自然嘅態度同反思   淡路島 淡路島喺神戶南面嘅一個島嶼,位於瀨戶內海的東部、本州神戶同四國之間,係日本第三大島 唔講唔知,原來淡路島有兩個世界之最! 連接神戶市同淡路島之間嘅明石海峽大橋,係連接本洲同四國最重要嘅橋樑 同時都係世界上最長嘅吊橋,全長3911公尺 鳴門漩渦堪稱係世界第一漩渦,喺淡路島必到嘅景點 由瀨戶内海同太平洋嘅潮流因為潮速差異而形成嘅鳴門漩渦,特別喺春季秋季大潮時,漩渦最大可達直徑30公尺、時速20公里,企喺橋上面望落去,真係好壯觀   Asahi酒廠 Asahi啤酒係日本歷史悠久嘅品牌,創立於1899年 工廠位於大阪吹田,開放俾遊客參觀,深入工廠內部,直擊啤酒嘅製作過程! 全程有工作人員同大家詳細介紹Asahi嘅歷史同製酒過程 到最後仲有得免費任飲啤酒同拎返罐Asahi返屋企,今次真係不醉無歸!   LEGOLAND 日本LEGOLAND位於名古屋,係亞洲地區第二座樂高主題樂園,今年四月先開幕! 樂園分為7大區,分別係Factory、Bricktopia、Adventure、Knight’s Kingdom、Pirate’s Shores、Miniland同LEGO City,一共有40 幾款機動遊戲同娛樂設施 機動遊戲刺激度相對日本其他主題樂園低,所以啱晒一家大細去! 而咁多個園區入面,Miniland一定係最好嘅打卡點 Miniland入面展示左由超過1000萬塊lego砌成嘅小日本,有齊東京、大阪、京都同名古屋等十個日本地區 ! 一次過帶你去晒姬路城、伏見稻荷大社、清水寺、道頓堀同晴空塔等日本名勝地標! 此外,樂高樂園嘅海洋世界同樂高樂園酒店將會喺2018年開幕添!

By | 九月 23rd, 2017|亞洲, 出走遊記, 日本|0 Comments

不一樣的韓楓

賞楓了!此韓楓不同彼韓風! 韓國官方啱啱就公布左今年賞楓資訊,預測第一浪紅葉9月28日就會喺雪嶽山開始,喺時侯plan定行程,但韓國咁多賞葉聖地揀好?今次就推介韓國三大最佳賞葉地點比大家!   【2017韓國紅葉預測】 雪嶽山﹕9月27日 五臺山﹕10月1日 北漢山﹕10月15日 南怡島﹕10月7日 月岳山﹕10月13日 內藏山﹕10月20日 漢拏山﹕10月17日 【三大最佳賞楓地點】 雪嶽山  位於江原道嘅雪嶽山係全韓國最早可以欣賞到紅葉嘅地方,到左9月尾山頂開始染紅   雪嶽山方圓373平方公里,海拔最高峰達到1,708米,山頂長年積雪!1982年被聯合國教科文組織指定爲生物保存區  雪嶽山一共有四個入口,包括束草市嘅神興寺最為有名、襄陽郡嘅五色區域、麟蹄郡嘅百潭寺同將帥台一帶   另外,雪嶽山有唔同嘅登山路線,可以因應個人程度同體力選擇最合適自己嘅路線,一年四季都吸引好多遊客同當地人登山欣賞自然美景,特別喺秋天,沿途兩旁都喺紅葉 ,濃濃嘅秋意出晒嚟   除左賞葉,仲可以坐空中纜車高空欣賞權金城一帶嘅奇岩絕璧,全程只需要大約6分鐘 內藏山  有「韓國第一楓葉山」之稱嘅內藏山位處全羅南北道,每年秋天都吸引好多遊客專程去賞楓   內藏山丹楓隧道種滿左多棵楓樹,由入口一直延伸到內藏寺,組成紅紅黃黃的楓葉隧道   雖然喺內藏山隨便都可以影到靚相,但要數到最好嘅呃like打卡點就一定係羽化亭 羽化亭四周都被紅葉包圍,紅葉倒映喺湖水上面,就好似一幅水墨畫咁,好有詩意 南怡島    除左紅葉,秋天嘅銀杏都一樣咁靚 嚟南怡島就可以一次過睇唒兩種秋天獨有嘅景色 滿地都係由銀杏樹飄落嘅銀杏葉,形成一條金黃色嘅銀杏路 銀杏樹同楓葉紅紅黃黃,呈現唔一樣嘅秋色 跟travelwebsite.com去賞韓楓,韓國賞楓聖地輕鬆任你去! 韓國紅葉捕楓一天團 大家想知道韓國官方最新嘅紅葉資訊,可以留意以下網頁~ 韓國觀光公社:【http://big5chinese.visitkorea.or.kr/cht/index.kto】

By | 九月 12th, 2017|賞楓, 韓國|0 Comments

極光攻略六:新西蘭✕澳洲

講起極光,唔少人都會立即諗起北歐、加拿大同阿拉斯加等北半球地區,其實南半球都有睇極光架! 綠色嘅極光見就見得多,有冇諗過睇粉紅色嘅極光呢?去南半球就可以一完你尋找粉紅極光嘅少女心! 可能你會問點解南極光會喺紅紅橙橙而唔喺好似北極光咁綠色? 咁喺因為唔同高度嘅大氣層會反射唔同顏色嘅極光,而粉紅色極光就喺位於較高空80-100公里之間,當氮分子受到一個高能量電子撞擊所產生 粉紅色極光只有喺太陽活動強烈嘅情況下先睇到,所以比起綠色嘅極光更為罕見 除左粉紅色,紫色、綠色、黃色同藍色極光都會出現喺南半球嘅天空上 Kp代表極光可見範圍覆蓋率,當Kp值達到4-5,睇到南極光嘅機率就更高   只要位於南緯度67度附近嘅兩個環帶狀區域入面都有機會睇到南極光 而新西蘭同澳洲南部都位於環帶狀區域入面,喺欣賞南極光嘅好地方 每年四月至九月都喺南極光出沒嘅季節,南半球正值秋冬,日短晚長就最適合睇極光 新西蘭嘅蒂卡波湖同澳洲嘅塔斯曼尼亞都喺南半球賞光嘅好地方   新西蘭南島嘅蒂卡波湖(Lake Tekapo)位於庫克山盆地,喺一個遠離凡塵嘅地方 蒂卡波湖睛天比率高同光害少,因此被評為地球上最佳觀星場所 除左星空,仲可以欣賞埋蒂卡波嘅極光,真喺嘆為觀止啊!   被人稱為世界的盡頭嘅塔斯曼尼亞位於澳洲最南端,喺澳洲最接近南極圈嘅地方 由於緯度高,塔斯曼尼亞嘅黑夜十分漫長,遇到極光嘅機率就更高 同時係全澳洲空氣最清新嘅地方,空氣中雜質好少,顯得天空更加清,極光都更震撼! 如果話北極光偏綠感覺冷冰冰,咁南極光偏粉紅同橙感覺就更溫暖,而且南極光比起北極光更罕見同浪漫,絕對喺人生必定要睇嘅幸福~

By | 九月 5th, 2017|出走遊記, 大洋洲, 旅遊資訊, 極光|0 Comments

日本追楓大搜查

唔經唔覺已經嚟到九月,秋意起,又到左紅葉嘅季節! 日本嘅紅葉九月尾開始由北海道揭開序幕,由北到南慢慢開始染紅,為期兩個月,因此每年都吸引好多遊客專程去日本賞楓 雖然日本官方仲未公布今年賞楓資訊,但小編就率先整理左2017紅葉預測同關東、關西最佳賞葉地點比大家參考下! 【2017日本紅葉預測】 北海道﹕9月下旬-11月下旬 關東地區﹕10月上旬-12月上旬 關西地區﹕10月中旬-11月下旬 九州﹕10月下旬-12月上旬 【最佳賞葉地點】 關東地區 想近近地喺東京都市區睇紅葉,日比谷公園、代代木公園、明治神宮外苑同上野恩賜公園都喺方便之選,而且全部免費入場 而東京近郊地區,富士河口湖、忍野八海同箱根都喺唔少人嘅賞葉景點 當中富士河口湖紅葉祭將會喺11月1日至23日係河口湖北岸,長達1.5公里嘅長廊,種滿500多棵楓樹 除左紅葉美景,紅葉祭仲有市集、傳統工藝、表演節目同美食,比你玩足一日 到左夜晚,長廊開滿LED燈,夜色襯托紅葉又喺另一番風味 關西地區 數到關西地區嘅賞楓聖地,一定唔可以錯過被選為「新日本街路樹百景」嘅水杉路! 水杉路喺滋賀著名嘅紅葉隧道,全長2.5公里,兩邊種滿左500棵曙杉樹 樹葉由每年11月底,開始由黃變紅 雖然清水寺依家仲維修緊,每到紅葉季仍然吸引好多人專程去賞葉 清水寺入面1000多棵楓葉樹染成一片殷紅,到左夜晚點燈後,紅葉、寺院加上夜空雲彩,真喺好壯觀! 紅葉唔等人,仲唔快啲plan下你嘅紅葉之旅! 跟travelwebsite.com去賞楓,關東關西賞楓聖地輕鬆任你去! 日本紅葉大集合 大家想知道日本官方最新嘅紅葉資訊,可以留意以下網頁~ 日本氣象協會:【http://www.tenki.jp/kouyou/expectation.html】 Weathernews﹕【http://weathernews.jp/】

By | 九月 5th, 2017|日本, 賞楓|0 Comments

極光攻略五:格陵蘭

 去北極旅行對唔少人嚟講都係天方夜譚! 其實依家越越多人去北極圈睇極光,格陵蘭就喺其中之一 格陵蘭喺丹麥海外自治領地,位於北冰洋同大西洋之間 喺世界上最大嘅島嶼,全島有80%嘅土地位於北極圈以內   格陵蘭每年有300日以上都喺天清氣朗,而且極少光污染 2016年更被CNN評為全球5大最佳觀賞極光地點之一 好多人都以為越北就越容易睇到極光,其實極光主要出現喺北緯65至70度嘅區域,而格陵蘭就有唔少地方位處呢個區域   伊盧利薩特 (Ilulissat) 喺格陵蘭嘅一個小鎮,位處北緯69度 當地嘅伊盧利薩特冰峽灣更喺2004年被聯合國教科文組織列為世界遺產 極光加冰山,真喺特別震撼!   格陵蘭另一個城市堪格爾路斯瓦克(Kangerlussuaq)位處北緯67度, 喺另一個追光嘅好地方! 因為靠近北極極地大陸,所以降雨機率比較低,氣壓穩定 加上鎮上只有大約550人居住,人造光污染亦都比較少,喺追光嘅好地方!   每年10月至4月都喺係格陵蘭睇極光嘅好時機~ 喺時候出發睇人生必睇嘅極光!   P.S: 唔講唔知,其實格陵蘭先喺聖誕老人真正嘅故鄉!

By | 八月 31st, 2017|極光, 歐洲|0 Comments